vip
المساهمات : 6 تاريخ التسجيل : 16/04/2009 العمر : 39
| موضوع: الصبر زين وكل مطروووووووود ملحووووووق السبت مايو 09, 2009 7:43 am | |
| بسم الله الرحمن الرحيم
السلام عليكم ورحمة الله وبركاته
مساء الخير هذي احدى قصائد الشاعر سالم بن جخير
الصبر
الصبر زين وكل مطرود ملحوق دام النجوم العاليات بسماها
يا هاجسي برفوق لاقلت برفوق ماهيب لحية علها يا عساها
ولاهيب لحية وين غيبت ياشوق ولاهيب لحيت مت أنا من غلاها
هجس القصيد يتوق صوبي وأنا توق بسم الله الرحمن في مبتداها
رعادها رعاد وبروقها بروق لامن حداها الشاعر اللي حداها
كان القصيده بنت عزٍ وغرنوق حلّـيبـــــها حلــّيبــــها لعنباها
لاجاتني حطيتها داخل الموق والله يحييها ويحيي نباها
لها علي حقوق وأنا لي حقوق ولاّ بلاش امن القصيد وبلاها
مانيب اعدلها على كل طاروق الين اجنّنها وابيح خفاها
الفكر شاشة عرض والقلب صندوق يعني على ما قيل بير وغطاها
ياهل الوثايق جاكم العلم موثوق نصيحةٍ ياخذ بها من قراها
ترى النصيحه كان في ساحة السوق معروف بايعها على من شراها
لو كل روض به خزامى ورقروق محدٍ شكا الدنيا ودورة رحاها
والمنخنق لاقال مانيب مخنوق تشهد عليه العين لا هل ماها
والحر يخدم دام له وكر وسبوق ولا الحديا عيبا في حدها
والرجل فعل وطيب موقف ومنطوق والمفلس اللي ما يحصل حداها
لا تبدي اسرارك على كل مخلوق الناس ما تدري وش اللي وراها
عليك باللي طلعهم دايم فوق اللي عن الزلات تكرم لحاها
خلك عسر وارقى على كل شاهوق وسلم على اللي لارقاها رقاها
واحذر تخاوي من تجرد عن الذوق اللي بزلات اللسان يتباها
تلقاه بين الكذب والزور والبوق وباقي علومه كلها ما خزاها
ياعوق يابعض الرجاجيل ياعوق اللي تثوّر بندقه في اخباها
..
وعسى ان تنال أعجابكم ..
| |
|
عالم الوله
المساهمات : 19 تاريخ التسجيل : 15/04/2009
| موضوع: رد: الصبر زين وكل مطروووووووود ملحووووووق السبت مايو 09, 2009 8:51 am | |
| الله يعطيك العافيه على الطرح الرائع لا عدمناك | |
|